ကျော်
ပုရိသတွေရင်ကို အမြဲလှုပ်ခတ်အောင်လုပ်နိုင်တဲ့ ခန္ဓာကိုယ်ကောက်ကြောင်းပိုင်ရှင် သင်ဇာဝင့်ကျော်ကတော့ ပရိသတ်တိုင်းသိကြတဲ့ မင်းသမီးတစ်လက်ပဲဖြစ်ပါတယ်။
ဆွဲဆောင်မှုရှိတဲ့ အလှအပနဲ့ သရုပ်ဆောင်နိုင်မှုတွေကြောင့် အနုပညာလောကမှာ ဆယ်စုနှစ်တစ်ခုကြာရပ်တည်နေတဲ့သူမကတော့ ပရိသတ်ကို အထိတ်တလန့်ဖြစ်အောင် လုပ်လိုက်ပြန်ပါတယ်။
သင်ဇာက သူ့ရဲ့ဖေ့ဘွက်စာမျက်နှာမှာ “အလွန်အရေးကြီးသည် လွန်ခဲ့တဲ့ 14 ရက်ကျော်လောက်က ငါ့ကို ဘယ်လိုပဲဖြစ်ဖြစ် ဆက်သွယ်ခဲ့တဲ့သူတိုင်း အိမ်တွင်းမှာနေပြီး အနီးစပ်ဆုံး အရေးပေါ်ဌာနကို ဆက်သွယ်သင့်တယ်… ငါ့သူငယ်ချင်းတွေ ၊ မိသားစုတွေ ၊ ငါနဲ့ နီးစပ်တဲ့ သူတွေ အားလုံးကို တောင်းပန်ပါတယ် ။ ငါ့မှာ ရက်အနည်းငယ်လောက် လက္ခဏာတွေ ရှိခဲ့ပြီးပြီ ။ အခုလေးတင်ပဲ အတည်ပြုပြီးပါပြီ ။အရမ်းစိတ်မကောင်းပါဘူး ” လို့တင်ထားခဲ့တဲ့အတွက် ပရိသတ်တွေ ထိတ်လန့်ခဲ့ရတာပါ။
ဒါပေမဲ့ သင်ဇာရဲ့ postလေးက အောက်မှရေးထားတာရှိပါသေးတယ်။ အဲ့တာကတော့
“ကျွန်ုပ် ရောဂါပိုးကူးစက်ခံနေရပါသည်။အရမ်းဆွဲဆောင်မှုရှိပြီး ကြည့်ကောင်းနေတာက အရမ်းကို ကူးစက်တတ်တယ်။သင့်ရဲ့ အာရုံစူးစိုက်မှုအတွက် ကျေးဇူးတင်ပါတယ်။အဲဒီမှာ ရှိတယ်လို့လည်း အပြောခံလိုက်ရတယ်။ကာကွယ်ဆေး မရှိသေးပါ။
ဒါကိုပြန်တင်တာမြင်ရင် အဆုံးထိဘယ်သူဖတ်လဲဆိုတာသိမှာပါ ” လို့ ပရိသတ်ကို ဟာသအနေနဲ့ ဂျင်းထည့်ထားတာဖြစ်ပါတယ်။
ကိုဗစ်ရောဂါဖြစ်ပွားနေတဲ့ကာလမှာ အရာရာတုန်လှုပ်နေရတာမို့ သင်ဇာရဲ့ပို့စ်က ပရိသတ်ကိုမျက်လုံးပြူးစေခဲ့တာပါ။ ရင်တုန်သွားခဲ့ရတဲ့ ပရိသတ်တွေကတော့ သင်ဇာ့ကိုဒီလိုမစနောက်ဖို့ တောင်းဆိုခဲ့ကြပါတယ်။
သင်ဇာကတော့ သူနဲ့ထိတွေ့သူတိုင်းကာကွယ်ဆေးမရှိတဲ့ ဆွဲဆောင်ပြီး ကြည့်ကောင်းတဲ့ရောဂါ ကူးစက်ခံရမယ်လို့ ပြောသွားပါတယ်။ ဒါပေမဲ့ ဒီလိုကာလကြီးမှာ အားလုံးပဲ တစ်စုံတစ်ယောက်နဲ့ မထိတွေ့ကြဘဲ ခြောက်ပေအကွာနေဖို့ မမေ့ကြပါနဲ့နော်။ ကိုဗစ်ပိုးကလည်း အလွယ်တကူကူးစက်နိုင်လို့ပါပဲ 
။
Yin Khat Pan ( Writer – LLA )
