မိမိကိုယ်ကို အဆုံးစီရင်မှုနဲ့ ထပ်မံကြွေလွင့်ခဲ့ရတဲ့ အနုပညာကြယ်တစ်ပွင့်
မိမိကိုယ်ကို အဆုံးစီရင်ဖို့ ကြိုးစားခဲ့တဲ့ အနုပညာကြယ်တစ်ပွင့် ထပ်မံ ကြွေလွင့်ခဲ့ရပြန်ပါပီ။ 2020 ခုနှစ် စက်တင်ဘာလ 14 ရက်နေ့မှာ မင်းသမီး Oh In Hye ဟာ မိမိကိုယ်ကိုအဆုံးစီရင်ခဲ့ပါတယ်။
မင်းသမီး Oh In Hye ကိုသတိလစ်နေစဉ်မှာ ကယ်ဆယ်ရေးအဖွဲ့မှရှာတွေ့ခဲ့၍ဆေးရုံပို့ဆောင်ပေးခဲ့ရတာပါ။ ကနဦးသတင်းတွေကိုတော့ Incheon Yeonsu ရဲဌာနနဲ့ and Incheon Songdo မီးသတ်ဌာန က September 14ရက်နေ့ မနက် 5နာရီမှာ ထုတ်ဖော်ပြောကြားခဲ့တာ ဖြစ်ပါတယ်။
ကယ်ဆယ်ရေးအဖွဲ့ဟာ Oh In Hye ကိုသူမရဲ့နေအိမ်ဖြစ်တဲ့ Songdo International Business District, Incheon မှာ သတိမေ့နေတဲ့အခြေအနေနဲ့တွေ့ရှိခဲ့ရတာဖြစ်ပါတယ်။ အရေးပေါ်ကယ်ဆယ်ကုသမှုတွေလုပ်ပြီးတဲ့နောက် ဆေးရုံသို့ပို့ဆောင်ပေးခဲ့ပါတယ်။
နံနက်ခင်း သတင်းတွေမှာတော့ Incheon Yeonsu ရဲဌာနကတော့ သူမဟာယခုပြန်လည်သက်သာလာပြီး ပုံမှန်အခြေအနေဖြစ်လာပေမယ့် သတိတော့ပြန်ရမလာသေးဘူးလို့ MK sports ကိုဖြေကြားခဲ့ပါတယ်။
ရဲတွေရဲ့ပြောကြားချက်အရတော့ သူမရဲ့ သူငယ်ချင်းဟာသူမကို ဆက်သွယ်လို့မရတာကြောင့် ရဲစခန်းကိုအကြောင်းကြားခဲ့တာဖြစ်ပါတယ်။ အရေးပေါ်ကုသမှုတွေကြောင့် ပြန်သတိရလာမယ်ထင်ခဲ့ပေမယ့်လည်း နေ့ခင်းပိုင်းမှာတော့ သူမဟာ နှလုံးခုန်ရပ်တန့်သွားပြီးတော့ သေဆုံးခဲ့ပါတယ်။
သူမဟာ သေဆုံးချိန်မှာအသက် 36 နှစ်သာရှိသေးပါတယ်။ သူမရဲ့ဇာပနကိုတော့ September 26 မှာ Inha University Hospital မှာပဲမိသားစုဝင်၊ မိတ်ဆွေအချို့နဲ့ပဲသီးသန့် ပြုလုပ်မှာဖြစ်ပါတယ်။
သူမဟာ 2011ခုနှစ်မှာ စတင် အနုပညာလှုပ်ရှားမှုတွေ ပြုလုပ်ခဲ့တာဖြစ်ပြီး အမျိုးမျိုးသော ရုပ်သံထုတ်လွှင့်မှုတွေမှာပါဝင်ခဲ့ပါတယ်။ မကြာသေးမီကပဲ သူမရဲ့ ကိုယ်ပိုင် Youtube channel ကိုဖွင့်ခဲ့ပါသေးတယ်။ အသေးစိတ်ကိုစုံစမ်းစစ်ဆေးပီးတဲ့အခါ ထပ်မံသတင်းထုတ်ပြန်သွားမယ်လို့ ရဲဌာနက ပြောကြားထားပါတယ်။
Rest In Peace Oh In Hye!
Source:Soompi
Written: Gyi Gyi
